काठमाडौं, ८ बैशाख ।
प्रधानमन्त्री केपी शर्मा ओलीले श्रीलंकाका प्रधानमन्त्री रनिल बिक्रमासिंघलाई फोन गरी आइतबार श्रीलंकामा भएको बम बिष्फोटप्रति दुःख व्यक्त गरेका छन् ।
श्रीलंकाका विभिन्न आठ स्थानमा भएका बिष्फोटमा एक सय ५० भन्दा धेरैको मृत्यु भएको छ । प्रधानमन्त्री ओलीले फोन गरी निर्दाेषहरु बिष्फोटमा मारिएकोमा दुःख व्यक्त गरेको ओलीका प्रेस संयोजक चेतन अधिकारीले जानकारी दिए ।
नेपालले बिज्ञप्ती जारी गरेर समेत घटनाप्रति दुःख व्यक्त गरेको छ ।
