काठमाडौं । कुमारी बैंक लिमिटेडले आफ्नो २०औँ वार्षिकोत्सवको अवसरमा ‘आत्मरक्षाको माध्यमबाट महिला सशक्तिकरण’को उद्देश्यसहित देशको विभिन्न स्थानमा महिलालाई आत्मरक्षा सम्बन्धी प्रशिक्षण दिएको छ ।
महिलाहरुलाई शारीरिक, मानसिक र भावनात्मक रूपमा सशक्त बनाई आत्मरक्षा गर्न सक्षम बनाउने एवं उपकरण र प्रविधिसँग परिचित गराइ आत्ममनोवल उच्च बनाउने उद्देश्यसहित उक्त प्रशिक्षण शुरु गरिएको बैंकले जनाएको छ ।
महिलामैत्री वातावरणसहित कार्यस्थललाई अग्रस्थानमा राखेर कुमारी बैंक लिमिटेडले कारोबार गर्दै आइरहेको छ । यस किसिमको प्रशिक्षणबाट महिलाहरुमा थप जागरूकता, मौखिक रक्षा, झूटा आरोप तथा आत्मसमर्पण रक्षा, शारीरिक रक्षा, र कानूनी रक्षा सम्बन्धी विषयमा प्रशिक्षित भई उच्च मनोवलका साथ अगाडि बढ्न प्रेरित हुने तथा आत्मारक्षा सम्बन्धमा जनचेतनामा समेत विस्तार हुनेमा बैंक विश्वास छ ।
सुदुरपश्चिम प्रदेश र बागमती प्रदेशमा प्रशिक्षण संचालन सम्पन्न भइसकेको छ भने त्रमशः अन्य प्रदेशहरुमा पनि संचालन गर्ने तयारी भइसकेको बैंकले जनाएको छ ।
आफ्नो सामाजिक उत्तरदायित्वलाई मनन गरी कुमारी बैंकले आफ्ना देशव्यापी १९६ शाखा सञ्जाल, १७२ एटिएम, ३२ शाखारहित बैंकिङ्ग ईकाई तथा १३ एक्सटेनसन काउन्टरबाट अत्याधुनिक बैंकिङ्ग सुविधाहरु दिँदै आएकोे र आगामी दिनहरुमा अझ सरल, सुलभ तथा उत्कृष्ट सेवाका निमित्त सहकार्यहरु गर्दै जाने प्रतिबद्धता जनाएको छ ।
