काठमाडौं । परराष्ट्र सचिव भरतराज पौड्याल नियमित सेवाबाट अवकाशमा गएका छन् । करिब ३७ वर्ष लामो सक्रिय निजामती सेवाबाट उनले हिजो मंगलबारदेखि अवकाश लिएका हुन् ।
पौडेलले सामाजिक सञ्जालमार्फत आफु ३७ वर्षे लामो सक्रिय निजामति सेवाबाट अवकाश लिएको जानकारी गराएका छन् ।सरकारले पौड्याललाई क्यानडाका लागि नेपाली राजदूतमा सिफारिस गरेको छ । संसदीय सुनुवाइ समितिले सरकारको उक्त सिफारिसलाई अनुमोदन गरिसकेको छ ।
सचिव पौड्यालले अनिवार्य अवकाश लिएसँगै परराष्ट्र मन्त्रालयका वरिष्ठ सहसचिव सेवा लम्सालले निमित्त परराष्ट्र सचिवको जिम्मेवारी पाएका छन् । सरकारले उनलाई सचिव नियुक्त गर्ने सम्भावना छ ।
