काठमाडौं । कीर्तिपुरको त्रिवि क्रिकेट मैदानलाई अन्तर्राष्ट्रियस्तरको बनाउन स्तरोन्नति भइरहेको छ । १० हजार दर्शक अट्ने प्यारापिट र ६ फ्लडलाइट जडानको काम अन्तिम चरणमा छ ।
प्यारापिटमा ६ रङका कुर्सी राखिँदैछ, जसलाई ८ खण्डमा विभाजन गरिएको छ । प्रत्येकमा ६५२ कुर्सी रहनेछ । प्यारापिट निर्माणका लागि बिकेओआई–केसिडिसी–बिजी जेभीले ४३.७७ करोड र फ्लडलाइटका लागि विशन–ईश्वरी जेभीले ४२.१९ करोडमा ठेक्का पाएका छन् ।
गत पुसमा सम्झौता भए पनि समयमै काम नसकिएकाले ठेकेदारलाई दैनिक २ लाख हर्जना तिराइएको छ । प्यारापिट निर्माणको काम एनपीएलको दोस्रो सिजन अगाडीनै सकिने छ । प्यारापिट निर्माणको काम सकिए लगत्तै फ्लडलाइट जडानको काम हुने छ । जहाँ, नेपालमा पनि रातिको समयमा क्रिकेट खेल हुनेछ ।
