काठमाडौं । नेपाल इन्भेष्टमेण्ट मेगा बैंक लिमिटेडले नेपालमै पहिलोपटक ‘POS Machine’मार्फत भुक्तानी गर्दा ‘Instant EMI’ सुविधा ल्याएको छ ।
ग्राहक अनुभवलाई अझ सहज, स्मार्ट र प्रविधिमैत्री बनाउँदै, नेपाल इन्भेष्टमेण्ट मेगा बैंक लिमिटेड (एनआईएमबी)ले नेपालमै पहिलोपटक ‘NIMB POS Machine’मार्फत भुक्तानी गर्दा ‘Instant EMI’ सुविधा सुरु गरेको हो ।
अबदेखि एनआईएमबी क्रेडिट कार्ड प्रयोगकर्ताले कुनैपनि व्यापारिक स्थानमा ‘‘NIMB POS Machine’ मार्फत भुक्तानी गर्दा सोही क्षणदेखि किस्ताबन्दी (EMI) सुविधा प्रयोग गर्न सक्नेछन् । यो सुविधा ग्राहकवर्गहरूले ठूलो खर्चलाई सानो मासिक किस्तामा विभाजन गरेर सजिलै तिर्न सक्ने प्रणाली हो, जुन छुट्टै आवेदन प्रक्रिया वा कुर्नुपर्ने झन्झटबिनै तुरुन्तै उपलब्ध हुनेछ ।
बैंकले ‘Instant EMI’ सुविधासुरु गर्नुको उद्देश्य ग्राहकवर्गलाई आर्थिक लचिलोपन प्रदान गर्नुका साथै डिजिटल कारोबारलाई अझ सहज बनाउनु रहेको जनाएको छ । यस सुविधाले विशेषगरी घरायसी सामान, विद्युतीय उपकरण, ग्याजेट, यात्राजस्ता सेवाहरू खरिद गर्न चाहने ग्राहकवर्गहरूलाई सस्तो मासिक किस्तामा भुक्तानी गर्ने विकल्प प्रदान गर्नेछ ।
सरल प्रक्रियामार्फत स्वचालित रूपमा सुरु हुने यो सुविधा, डिजिटल बैंकिङप्रतिको विश्वास र प्रयोगलाई थप सशक्त बनाउने विश्वास बैंकले लिएको छ । बैंकले हाल २७५ शाखा, २६५ एटीएम, ६५ एक्सटेन्सन काउन्टर, ६० शाखारहित बैंकिङ काउण्टरबाट सेवा प्रदान गरिरहेको छ ।
