काठमाडौं । हलिउडकी अभिनेत्री डायना किटनको निधन भएको छ । ‘द गडफादर’ र ‘एनी हल’ ब्लकबास्टर चलचित्रकी अभिनेत्री डायनाको ७९ वर्षको उमेरमा निधन भएको हो ।
उनको परिवारले मृत्युको पुष्टि गरेको अन्तरराष्ट्रिय सञ्चारमाध्यमले जनाएका छन् । पीपल म्याग्जीनको रिर्पोट अनुसार डायन किटनको क्यालिफोर्नियामा निधन भएको हो । उनको मृत्युको कारण खुलाइएको छैन । तर स्वास्थ्यमा समस्या आएपछि अस्पताल भर्ना गरिएको जनाइएको छ ।
डायन किटनकी एक साथीको बयानलाई उद्धृत गर्दै, पिपल पत्रिकाले रिपोर्ट गरेको छ कि अभिनेत्री विगत केही महिनादेखि बिरामी थिइन् । केही समयदेखि आफ्नो परिवारसँग बसिरहेकी थिइन्। यस समयमा, उनले आफ्ना साथीहरूबाट पनि पूर्ण रूपमा टाढा रहेकी थिइन्।
अभिनेत्रीले आफ्नो स्वास्थ्य अवस्थाको बारेमा खुलेर छलफल गरेकी थिइन् । रिपोर्टका अनुसार, डायन किटन खाने विकारबाट पीडित थिइन्, जसले गर्दा बिरामीहरूले आफ्नो खानामाथि नियन्त्रण गुमाउँछन् ।
