काठमाडौं । बलिउडका हि-म्यान वरिष्ठ अभिनेता धर्मेन्द्रको ८९ वर्षको उमेरमा निधन भएको छ । घरमै उपचाररत रहेका धर्मेन्द्रको आजै दिउसो १ बजे निधन भएको भारतीय मिडियाहरूले उल्लेख गरेका छन् । धर्मेन्द्र केही समयदेखि मुम्बईको ब्रीच क्यान्डी अस्पतालमा उमेरसँग सम्बन्धित रोगका कारण अस्पताल भर्ना भएका थिए । त्यसपछि उनको घरमै उपचार भइरहेको थियो ।
फिल्म निर्माता करण जोहरले सामाजिक सञ्जाल पोस्ट मार्फत वरिष्ठ अभिनेता धर्मेन्द्रको मृत्युको खबर साझा गरेका छन् ।
अहिले धर्मेन्द्रको अन्तेष्टिको लागि मुम्बईको भी विले पार्लेस्थित शमशानघाटमा लागिएको छ र परिवारका सदस्यसहित कैयौँ बलिवुड सेलिब्रेटी शमशानघाट पुगिरहेको भारतीय मिडियाहरूले उल्लेख गरेका छन् ।
