काठमाडौं । नेकपा (एमाले) को ११औँ महाधिवेशन प्रतिनिधि छनोटका लागि जारी मतदानका क्रममा विराटनगरमा एमाले नेता पर्शुराम बस्नेतमाथि कुटपिट भएको छ ।
शनिवार दिउँसो पार्टी कार्यालय पाञ्चालीस्थित मतदान केन्द्रबाहिर संस्थापन पक्षका नेता बस्नेतमाथि इतर समूह (विनोद ढकाल पक्ष)का कार्यकर्ताहरूले हातपात गरेका हुन् ।
वडा नं. १२ का वडाध्यक्ष भानुभक्त पाठकले एकजना व्यक्तिलाई पटक–पटक मतदान गर्न लगेको विषयमा संस्थापन पक्षले आपत्ति जनाएपछि विवाद सुरु भएको थियो । सोही क्रममा ढकाल पक्षका कार्यकर्ताले नेता बस्नेतमाथि हातपात गरेका थिए ।
घटना भएपछि केही बेर मतदान स्थगित भएको थियो । अहिले स्थिति सामान्य भई मतदान सुचारु भएको छ ।
