काठमाडौं । गत भाद्र २३ र २४ गते भएको प्रदर्शनको क्रममा लुटिएको प्रहरीको हतियारसहित तीन जना पक्राउ परेका छन् ।
काठमाडौं उपत्यका अपराध अनुसन्धान कार्यालयका अनुसार काठमाडौं-१४ कलङ्की घर भई भुरूङखेल बस्ने २८ बर्षिय रसिल जोशी, दार्चुलाको दुहुँ गाउँपालिका-४ घर भई हाल काठमाडौंको सुन्धारा बस्ने वर्ष १९ बर्षिय डेबिड भन्ने रामचन्द्र कुँवर र काठमाडौँ-१३ बाफल बस्ने ३१ बर्षिय विराट प्रसाद जोशी पक्राउ परेका हुन् ।
उनीहरुसँगबाट नेपाल प्रहरी लेखिएको टाइप ५४ पेस्तोल र दुई थान मोबाइल जफत गरिएको प्रहरीले जनाएको छ । तिनै जनालाई प्रहरीको स्वचालित हतियारसहित पक्राउ गरी थप अनुसन्धान तथा आवश्यक कारबाहीको लागि जिल्ला प्रहरी परिसर भद्रकाली काठमाडौं पठाइएको प्रहरी उपरीक्षक काजी कुमार आचार्यले जानकारी दिएका छन् ।
अनुसन्धानको क्रममा रसिल जोशी प्रहरी वृत्त स्वयम्भु काठमाडौंमा लागु औषध मुद्दामा हिरासतको अवस्थामा भदौ २४ गते हिरासतबाट भागी फरार भएको समेत खुलेको छ ।
