काठमाडौं । जय ट्रफी बहुदिवसीय इलिट कप क्रिकेटको उपाधि जित्न नेपाल पुलिस क्लबले २२७ रनको लक्ष्य पाएको छ । तेस्रो तथा अन्तिम दिनको खेल जारी रहँदा त्रिभुवन आर्मी क्लबले पुलिसलाई २२७ रनको लक्ष्य दिएको हो ।
मुलपानी क्रिकेट मैदानमा जारी फाइनल खेलको पहिलो इनिन्समा दुवै टिमले समान २२१ रन बनाएका थिए । दोस्रो इनिन्समा आर्मीले ७४ ओभर २ बल खेल्दै २२६ रन बनाएको हो ।
जवाफी ब्याटिङ थालेको पुलिसले २५ रन जोड्दा एक विकेट गुमाएको छ । पुलिसका ओपनर अमित श्रेष्ठ कुनै पनि रन नजोडी आउट भए । ओपनर दिनेश खरेल ११ र रसिद खान १० रनमा अविजित छन् ।
