काठमाडौं । इण्डियन प्रिमियर लिग (आइपिएल) मा रोयल च्यालेन्जर्स बैंगलुरुले विजयी सुरुवात गरेको छ ।
शनिवार यस सिजनको आइपिएलको पहिलो खेलमा सनराइजर्स हैदरावादलाई ६ विकेटले पराजित गर्दै प्रतियोगितामा विजयी सुरुवात गरेको हो ।
सनराइजर्सले दिएको २०२ रनको लक्ष्य पछाएको रोयल च्यालेन्जर्सले १५.४ ओभरमा ४ विकेट गुमाउँदै लक्ष्य पुरा गरेको थियो ।
रोयल च्यालेन्जर्सका लागि विराट कोहलीले सर्बाधिक ६९ रन बनाएका थिए भने देवदत्त पाडिकलले ६१ र कप्तान रजत पाटीदारले ३१ रन बनाएका थिए ।
यसअघि टस हारेर पहिला ब्याटिङ गरेको सनराइजर्सले इशान किशनको ८० र अनिकेत बर्माको ४३ रनको सहयोगले २० ओभरमा ९ विकेट गुमाउँदै २०१ रन बनाएको थियो ।
यो जितपछि डिफेन्डिङ च्याम्पियन्स रोयल च्यालेन्जर्सले यस सिजनमा विजयी सुरुवात गरेको छ । आइपिएल अन्तर्गत अब भोली मुम्बई इण्डियन्स र कोलकोता नाइटराइडर्सबीच हुदैछ ।
