काठमाडौं । आईसीसी विश्वकप लिग २ अन्तर्गत यूएई र ओमानबीचको कीर्तिपुरस्थित टियु मैदानमा जारी खेलमा यूएईले ३०९ रनको लक्ष्य दिएको छ ।
४७ ओभरमा झारिएको खेलमा टस जितेर पहिले ब्याटिङ थालेको यूएईले निर्धारित ओभरमा ८ विकेट गुमाएर ३०८ रन बनाएको हो ।
यूएईका चार ब्याट्सम्यानले अर्धशतक बनाए । हरप्रित सिंहले ७७, मुहम्मद शाहदादले ७४, अजीव उस्मानीले ७० तथा आर्यान्श शर्माले ५० रन जोडे । यी चार ब्याटरबाहेक अन्य खेलाडीले दोहोरो अङ्कमा रन बनाउन सकेनन् ।
बलिङतर्फ ओमानका मुहम्मद इमरानले तीन, नदीम खानले दुई तथा आर्यान बिष्ट र शकिल अहमदले एक–एक विकेट लिए ।
