काठमाडौं । आइसीसी विश्वकप लिग-२ त्रिकोणात्मक सिरिजमा स्कटल्यान्डविरुद्ध नेपाली राष्ट्रिय क्रिकेट टोलीले पहिले फिल्डिङ गर्ने भएको छ ।
कीर्तिपुरस्थित त्रिवि क्रिकेट मैदानमा स्कटल्यान्डले टस जितेर ब्याटिङ रोजेपछि नेपाली टोलीले फिल्डिङ गर्ने भएको हो ।
स्कटल्यान्डविरुद्धको पहिलो खेलमा नेपाल डीएल मेथडमा २ रनले पराजित भएको थियो । अमेरिकामाथि भने ९ विकेटको फराकिलो जित निकालेको थियो ।
नेपालको प्लेइङ ११मा कुशल भुर्तेल, आशिफ शेख, इशान पाण्डे, रोहित पौडेल, दीपेन्द्र सिंह ऐरि, आरिफ शेख, गुल्सन झा, सोमपाल कामी, नन्दन यादव, सन्दीप लामिछाने र ललित राजवंशी रहेका छन् ।
