काठमाडौं । फिफा विश्वकप-२०२६ अन्तर्गत गएराति अमेरिकाको सियाटलमा भएको खेलमा बेल्जियम र इजिप्टले बराबरी खेल्दै अङ्क बाँडेका छन् ।
समूह ‘जी’ को यो खेलमा दुवै टोलीले १–१ गोलको बराबरीमा खेलेका हुन् । इजिप्टले खेलको १९ औँ मिनेटमा पहिलो गोल गरेको थियो ।
टोलीका कप्तान मोहम्मद सलाहको पासमा इमाम अशोरले पेनाल्टी बक्सबाट सशक्त प्रहार गर्दै देशको लागि गोल गरेका थिए । अशोरले राष्ट्रिय टोलीबाट पहिलो गोल गरेका हुन् ।
भेट्रान स्ट्राइकर रोमेलु लुकाकुलाई ६६ औँ मिनेटमा मैदानमा उतारेपछि बेल्जियमले सशक्त प्रदर्शन गरेको थियो ।
इजिप्टका मोहम्मद हानीले लुकाकुलाई रोक्ने क्रममा आफ्नै पोस्टमा गोल गरेपछि खेल १–१ को बराबरीमा आएको थियो । त्यसपछि खेलमा कुनै गोल हुन सकेन ।
