विराटनगरको पहिलो जित, सुदूरपश्चिम ३५ रनले पराजित

काठमाडौं । जारी नेपाल प्रिमियर लिग (एनपीएल) मा विराटनगर किंग्सले पहिलो जित हासिल गरेको छ ।  शनिवार राति सम्पन्न खेलमा विराटनगरले सुदूरपश्चिमलाई ३५ रनको अन्तरले पराजित गरेको हो । 

बर्षाका कारण ५९५ ओभरमा खेलाइएको खेलमा विराटनगरले दिएको १०६ रनको लक्ष्य पछाएको सुदूरपश्चिम रोयल्सले ५ ओभरमा ३ विकेट गुमाएर ७० रन मात्र बनाएको थियो । 

टस हारेर पहिला ब्याटिङ गरेको विराटनगरले निर्धारित ५ ओभरमा २ विकेट गुमाएर १०५ रन बनाएको थियो । विराटनगरका लागि शेहान जयसूर्याले ३९ रन बनाएका थिए भने आन्द्रे रसेलले २९ र लोकेश बमले २५ रन बनाएका थिए । त्यस्तै, सुदूरपश्चिमका बलर अविनाश बोहोराले २ विकेट लिएका थिए ।

यो विराटनगरको तेस्रो खेलमा पहिलो जित हो भने सुदूरपश्चिमले ३ खेलमा दोस्रो हार बेहोरेको छ ।  एनपीएल अन्तर्गत आइतबार एक खेल हुँदै छ । आइतबार पोखरा एभेन्जर्स र जनकपुर बोल्ट्स आमने सामने हुँदै छन् ।