काठमाडौं । प्रधानमन्त्री पुष्पकमल दाहाल प्रचण्डले अब विकास निर्माणको कामले गति लिने दावी गरेका छन् । सोमबार प्रतिनिधिसभाबाट विश्वासको मत पाएपछि सञ्चारकर्मीहरुसँग कुरा गर्दै प्रचण्डले भने- ‘अब आरामसँग सरकार चल्छ । विकास निर्माणको कामले गति लिन्छ ।’
प्रचण्डले सरकारलाई पूर्णता दिन भोलिदेखि छलफल थाल्ने पनि बताए । गठबन्धनमा रहेका दलहरुसँग छलफल थाल्ने भन्दै उनले भने, ‘आज विश्वासको मत प्राप्त भइसकेपछि भोलि विहानबाट सरकारलाई पूर्णता दिने प्रक्रिया सुरु हुन्छ । जोजो दलहरुसँग हाम्रो गठबन्धन भएको छ, सहमति भएको छ । सबैसँग बसेर २र४ दिन भित्रमै सबै टुंग्याउने र काम गर्ने विचार ।’
सोमबार प्रचण्डले १७२ मतसहित प्रतिनिधिसभामा विश्वासको मत पाएका छन् ।
