सुर्खेत । एक महिलालाई पेट्रोल छर्केर आगो लगाउन खोज्नेलाई प्रहरीले पक्राउ गरेको छ । रुकुम पश्चिमको मुसिकोट नगरपालिका–९ चौखाबाङमा बस्ने ३० वर्षीय महिलालाई आगो लगाउन खोज्ने प्रेमबहादुर केसीलाई प्रहरीले पक्राउ गरेको हो ।
३५ वर्षीय केसी तुल्सिपुर उपमहानगरपालिका–१० बेलुवाका हुन् । एक लिटर पेट्रोल शरीरमा छर्किएर लाइटर बाली सल्काउन खोज्दा स्थानीयले देखेपछि केसी भागेका थिए ।
स्थानीयले प्रहरीलाई खबर गरेपछि जिल्ला प्रहरी कार्यालय रुकुम पश्चिमबाट खटिएको प्रहरी निरीक्षकको टोलीले केसीलाई पक्राउ गरेको हो । घटनाको कारण नखुलेकाले अनुसन्धान भइरहेको प्रहरीले जनाएको छ ।
