काठमाडौं । बाढीले सोलुखुम्बुको दिप्लीघाटमा रहेको पुलमा क्षति पुर्याएको छ ।
केहि दिनदेखि परेको निरन्तरको वर्षापछि आएको बाढीका कारण थुलुङ दुधकोशी गाउँपालिका–८ दिप्ली र सोताङ गाउँपालिका–१ खोर्दाको सिमानामा रहेको बेलीब्रिजमा क्षति पुगेको हो ।
पुलको मुख्य पिलर तल्लो भागतर्फ ढल्किएको र पुल नजिकै रहेको एउटा डोजर, एउटा जेनेरेटर र एउटा सिमेन्ट फिट्ने मिक्चर बाढीले बगाएको छ । खोलामा जलसतह बढिरहेकाले थुलुङ दुधकोशी–८ तर्फको तीन घर जोखिममा परेका छन् ।
पुल ढल्किएसँगै जिल्ला सदरमुकाम र कोशीपारिका सोताङ र महाकुलुङ जाने गाडी रोकिएका छन् । पुलमा क्षति पुगेपछि कोशी पारि जाने गाडी तथा कोशीपारिबाट सल्लेरी, ओखलढुंगा, काठमाडौंलगायतका लागि छुटेका गाडी अलपत्र परेका छन् ।
