काठमाडौं । ग्लोबल आइएमईले २०२४ को ग्लोबल फाइनान्सको ‘बेस्ट बैंक अवार्ड’ जितेको छ । ग्लोबल आइएमई बैंक लिमिटेडलाई ग्लोबल फाइनान्स म्यागजिनले यस वर्षको उत्कृष्ट बैंक अवार्डबाट सम्मान गरेको छ । ग्लोबल फाइनान्स म्यागजिनले विश्वभरका उत्कृष्ट बैंकहरूको चयन र सम्मान गर्दछ ।
ग्लोबल आइएमई बैंकलाई दीर्घकालीन विश्वसनीयता, वित्तीय श्रोत परिचालन, भौगोलिक विस्तार, रणनीतिक सम्बन्ध, व्यावसायिक विकास, ग्राहक केन्द्रित सेवाहरू, क्रेडिट रेटिङलगायतका दृष्टिले सन् २०२४ को लागि नेपालको उत्कृष्ट बैंकको रूपमा मान्यता दिइएको छ ।
ग्लोबल फाइनान्स म्यागजिनले अफ्रिका, एशिया प्रशान्त, क्यारिबियन, मध्य अमेरिका, ल्याटिन अमेरिका, मध्य र पूर्वी यूरोप, मध्य पूर्व, उत्तरी अमेरिका, र पश्चिमी यूरोपलगायत विभिन्न क्षेत्रहरूमा उत्कृष्ट बैंकहरूलाई पुरस्कार प्रदान गर्दछ । ग्लोबल फाइनान्स म्यागजिनले यस वर्षदेखि नेपाल श्रेणी थप गरेको छ र ग्लोबल आइएमई बैंक नेपालबाट यो प्रतिष्ठित अवार्ड पाउने पहिलो बैंक हो ।
यस वर्ष ग्लोबल फाइनान्स म्यागजिनले हङकङको एचएसबीसी, अमेरिकाको बैंक, भारतको स्टेट बैंक अफ इन्डिया, चीनको चाइना कन्स्ट्रक्सन बैंक, नेपालबाट ग्लोबल आईएमई बैंक, मलेसियाको मेबैंक जस्ता विश्वका धेरै बैंकहरुलाई मान्यता दिएको छ । बंगलादेशबाट मानक चार्टर्ड बंगलादेश, र फिलिपिन्सबाट मेट्रोबैंक रेहका छन् ।
समयसापेक्ष र नवीन ग्राहकमुखी सेवाका लागि चर्चित ग्लोबल आइएमई बैंकले ग्लोबल फाइनान्स म्यागजिनद्वारा नेपालको उत्कृष्ट बैंकको अवार्ड पाएको छ । यस सम्मानले बैंकलाई भविष्यमा पनि नवीन सेवाहरू प्रदान गर्न थप हौसला मिल्नेछ ।
बैंकको सफलताको श्रेय ग्राहकहरुको निष्ठा, कर्मचारीहरुको समर्पण र शेयरधनीहरु, नियामक निकायहरु र अन्य सरोकारवालाहरुको सहयोगमा रहेको छ ।
नेपालको हरेक जिल्लामा शाखासहित निजी क्षेत्रको पहिलो वाणिज्य बैंकको रुपमा ग्लोबल आइएमई बैंकले ३५४ शाखा कार्यालय, ३७९ एटिएम, २७७ शाखारहित बैंकिङ सेवा, ६८ वटा एक्सटेन्सन तथा राजस्व संकलन काउन्टर र ३ वटा विदेशी प्रतिनिधि सहित १,१०० भन्दा बढी सेवा केन्द्रहरु सञ्चालन गर्दै आएको छ ।
ग्लोबल आईएमई बैंकले आफ्ना ४६ लाख भन्दा बढी ग्राहकहरुको विविध आवश्यकताहरु विभिन्न सेवा तथा सुविधाहरु मार्फत पुरा गरी सबैका लागि बैंक बन्ने लक्ष्य राखेको छ ।
बैंकले संयुक्त राज्य अमेरिका, बेलायत, क्यानडा, अष्ट्रेलिया, मलेसिया, दक्षिण कोरिया, जापान, साउदी अरेबिया, कतार, युएई, बहराइन, कुवेत, भारत जस्ता देशहरूबाट रेमिट्यान्स सुविधा प्रदान गरी अर्थतन्त्रमा महत्वपूर्ण भूमिका खेलेको छ । , जोर्डन, हङकङ, र अन्य ।
