काठमाडौं । जिल्ला प्रशासन कार्यालय कास्कीले पोखरामा अनिश्चितकालीन निषेधाज्ञा जारी गरेको छ ।
प्रमुख जिल्ला अधिकारी रुद्रादेवी शर्माले आज बिहान आठ बजेदेखि लागू हुनेगरी शहीदचोक आसपास र गण्डकी प्रदेश सभा आसपासको क्षेत्रमा निषेधाज्ञा जारी गरेका हुन् ।
निषेधाज्ञा अवधिभर अनसन, धर्ना, घेराउ, जुलुस, प्रदर्शन तथा सभा जस्ता विरोधका कार्यक्रम गर्न पाइनेछैन । यदि त्यसको अवज्ञा गरेमा जोसुकै उपर प्रचलित कानुन बमोजिम कारबाही हुने प्रशासनले चेतावनी दिएको छ ।
