जनकपुरधाम । मधेश प्रदेशका सप्तरी, महोत्तरी र रौतहटका तीन कारागारबाट ९८३ जना कैदीबन्दी फरार भएका छन् । आन्दोलन, आगजनी र तोडफोडपछि उनीहरू जेलबाट भागेका हुन् ।
सप्तरी कारागारबाट २०५ जना भाग्दा ३१ जनालाई पक्राउ
जलेश्वर कारागारबाट सबै ५७६ कैदी फरार
गौर कारागारबाट २३३ जना भागे, २४ मात्रै बाँकी
फरार अधिकांश कैदी भारततर्फ भागेको आशंका गरिएको छ, किनभने जेलहरू सीमासँग नजिक छन् ।
सर्लाहीको मलंगवा कारागारमा भाग्ने प्रयास भए पनि सुरक्षा निकायले रोक्न सफल भयो । सोही जेलमा रहेका रामबहादुर बम्जनलाई छुटाउन समर्थकहरूले प्रयास गरेका थिए ।
वीरगञ्ज कारागारमा पनि भाग्ने प्रयास भएको थियो, सेनाले गोली चलाएर नियन्त्रणमा लिएको हो । अहिले देशभरका जेलमा नेपाली सेना परिचालन गरिएको छ ।
सिरहा कारागार भने शान्त छ । फरार कैदीहरूकै कारण समाजमा त्रास र असुरक्षा बढेको छ भने खोजी कार्य जारी छ ।
