काठमाडौं । बन्दुकधारीहरूले मध्य नाइजेरियाको एक क्याथोलिक स्कुलबाट २०० भन्दा बढी विद्यार्थीहरूलाई अपहरण गरेका छन् ।
यो हप्ता विद्यार्थीहरूको दोस्रो ठूलो सामूहिक अपहरण हो । पछिल्लो आक्रमणले नाइजर राज्यको पापिरीमा रहेको सेन्ट मेरी स्कुललाई लक्षित गरेको थियो, जहाँ सुरक्षा खतरा बढेका कारण अधिकारीहरूले पहिले नै धेरै बोर्डिङ स्कुलहरू बन्द गराइसकेका थिए ।
नाइजेरियाको क्रिश्चियन एसोसिएसनले शुक्रवार बिहान भएको आक्रमणमा २१५ विद्यार्थी र १२ कर्मचारी अपहरण भएको रिपोर्ट गरेको छ ।
विगत केही दिनमा, नाइजेरियामा सशस्त्र समूहहरूले त्यस्ता स्कुलहरूमा श्रृंखलाबद्ध आक्रमणहरू गरेका छन् । गत सोमबार, नाइजर राज्यको एक बोर्डिङ स्कुलबाट २० भन्दा बढी स्कूली छात्राहरूलाई अपहरण गरिएको थियो ।
