संसदीय दलको नेता छान्न रास्वपाले बोलायो बैठक

काठमाडौं । राष्ट्रिय स्वतन्त्र पार्टी (रास्वपा) ले केन्द्रीय समितिको बैठक बोलाएको छ ।

प्रवक्ता मनिष झाका अनुसार रास्वपाले बिहीबार दिउँसो ४ बजे पार्टी केन्द्रीय कार्यालय बनस्थलीमा बस्ने गरि केन्द्रीय समितिको बैठक बोलाएको हो ।

बैठकमा संसदीय दलको नेता चयन गर्ने एजेण्डा रहेको प्रवक्ता झाले जानकारी दिएका छन् । सहमतिअनुसार रास्वपाले वरिष्ठ नेता बालेन शाहलाई संसदीय दलको नेता चयन गर्नेछ ।