काठमाडौं । मकवानपुरको थाहा नगरपालिकामा नेकपा माओवादी केन्द्रले बिरासत जोगाएको छ ।
एमाले उम्मेदवार अच्युतम ढकाललाई पराजित गर्दै माअेवादीका विष्णु विष्ट मेयर निर्वाचित भएका हुन् । उपमेयरमा कांग्रेसका भरत गोपाली विजयी भएका छन् । अघिल्लो निर्वाचनमा पनि थाहाको मेयर माओवादी र उपमेयर कांग्रेसले जितेका थिए ।
मेयर विष्टले ९ हजार ७ सय १९ मत प्राप्त गर्दा निकटतम प्रतिस्पर्धी ढकालले ७ हजार ७ सय ७१ मत ल्याए । उपमेयर गोपालीले ८ हजार ६ सय ७ मत प्राप्त गरे ।
एमालेकी कल्पना बलामीले ८ हजार ५ सय २२ मतसहित उपमेयरमा पराजित भइन् । यहाँ २३ हजार ५६ मत खसेको थियो ।
माओवादीले ६ वटा, कांग्रेस र एमालेले ३—३ वटा वडा अध्यक्ष जितेका छन् ।
