काठमाडौं । इलाम सदरमुकामसमेत रहेको इलाम नगरपालिकामा नेपाली कांग्रेस विजयी विजयी भएको छ ।
पाँच दलीय गठबन्धनको तर्फबाट नेपाली कांग्रेसका मेयर उम्मेदवार केदार थापा १३१६५ मतसहित विजयी भएका हुन् ।
निकटतम प्रतिस्पर्धी नेकपा एमालेका धिरेनकुमार चेम्जोङ १०५८७ मत प्राप्त गर्दै पराजित भए ।
उपमेयर पनि कांग्रेसले नै जितेको छ । गठबन्धनकाबाट कांग्रेसका उम्मेदवार विष्णुकुमारी लिम्बू १३५४२ मतसहित निर्वाचित भए ।
नेकपा एमालेबाट उपमेयरका उम्मेदवार सीतादेवी रिजाल १००८८ मत प्राप्त गर्दै पराजित भए ।
इलाम नगरपालिका नेकपा एमालेका उपाध्यक्ष तथा संविधानसभाका अध्यक्ष सुवास नेम्वाङको गृहनगर हो । नेम्बाङले पनि आफ्नो गृहनगर गुमाएका छन् ।
