धनगढी । नेकपा एकीकृत समाजवादी पार्टीका अध्यक्ष माधवकुमार नेपालले संघ र प्रदेशको निर्वाचनअघि कुनै पार्टीसँग एकता नगर्ने बताएका छन् ।
प्रेस संगठन धनगढीले सोमबार गरेको पत्रकार भेटघाटका क्रममा अध्यक्ष नेपालले निर्वाचनसम्म एकता सम्भव नभएको तर वाम शक्तिबीचको एकता भइछाड्ने बताएका हुन् ।
नेकपा माओवादी केन्द्रसँग एकीकरण हुने चर्चा चलेको विषयमा नेपालले अगामी निर्वाचनअघि नै कुनै पार्टीसँग एकता नहुने जवाफ दिए ।
