यस्तो छ आजको मौसम

काठमाडौं । हाल देशको अधिकांस भु-भागमा आंशिकदेखि सामान्य बदली रही बाँकी भु-भागमा आंशिक बदली रहेको छ।

जसको प्रभावले प्रदेश १, गण्डकी प्रदेश र लुम्बिनी प्रदेशका थोरै स्थानहरूमा हल्कादेखि मध्यम वर्षा भइरहेको छ। आज प्रदेश १, बागमती प्रदेश, र गण्डकी प्रदेशका केही स्थानहरूमा र बाँकी प्रदेशहरूका एक-दुई स्थानमा मेघ गर्जन र चट्याङसहित हल्कादेखि मध्यम वर्षाको सम्भावना रहेको छ।

त्यस्तै आइतबार पनि प्रदेश १, बागमती प्रदेश, र गण्डकी प्रदेशमा सामान्य बदली र अन्य प्रदेशहरूमा आंशिकदेखि सामान्य बदली रहने मौसम पुर्वानुमान महासाखाले जनाएको छ ।