तस्वीरमा हेर्नुहोस् जनैपूर्णिमा र रक्षाबन्धन

काठमाडौं । प्रत्येक वर्ष श्रावण शुक्ल पूर्णिमाका दिन मनाइने रक्षाबन्धन, जनैपूर्णिमा (ऋषि तर्पणी) पर्व आज देशभर रक्षाबन्धन धारण गरेर मनाइँदै छ ।

वैदिक सनातन धर्मावलम्बीले देशभरका नदी, ताल, तलाउ, पोखरीमा गई स्नान गरेर गुरु पुरोहितबाट रक्षासूत्र बाँध्ने गर्छन् । यसैकारण आज बिहानैदेखि देशभरका विभिन्न मन्दिर, नदी, ताल, तलाउ, पोखरी लगायतका स्थानमा रक्षा डोरो बाध्ने भक्तजनको भीड लागेको छ ।

तागाधारीले गुरु पुरोहितले विधिपूर्वक मन्त्रिएको यज्ञोपवीत एवं डोरो (रक्षासूत्र) धारण गरेमा नकारात्मक तत्वबाट सुरक्षा प्राप्त हुने धार्मिक विश्वास छ ।