काठमाडौं । स्याङ्जामा अपांगता भएकी एक महिलालाई सामूहिक बलात्कार गरेको आरोपमा दुई जना पक्राउ परेका छन् ।
अपांगता भएकी ३२ वर्षीया महिलालाई सामूहिक बलात्कार गरेको आरोपमा पुतलीबजार नगरपालिका-८ का २५ वर्षीय सुवास गुरुङ र २७ वर्षीय मदन गुरुङ पक्राउ परेका जिल्ला प्रहरी कार्यालय स्याङ्जाले जनाएको छ ।
जिल्ला प्रहरी कार्यालयका सूचना अधिकारी पावलसिंह लामाका अनुसार उनीहरुले यहि भदौ २० गते आफ्नै घरमा बसिरहेको अवस्थामा ती महिलालाई सामूहिक बलात्कार गरेका हुन् ।
पीडित महिलाका आफन्तको उजुरीको आधारमा पक्राउपछि उनीहरुलाई हिरासतमा राखेर अनुसन्धान सुरु गरिएको प्रहरीले जनाएको छ ।
