काठमाडौं । नेकपा एमाले बागमती प्रदेशको नेतृत्व चयनमा सहमति हुन नसकेपछि निर्वाचन हुने निश्चित भएको छ । नेतृत्वमा केन्द्रीय सदस्यद्वय कृष्णप्रसाद दाहाल र कैलाश ढुङ्गेलले अडान नछाडेपछि निर्वाचन हुने भएको हो ।
निर्वाचनका लागि बुधबार आज ३ बजे मनोनयन फारम वितरण, ४ देखि ६ मनोनयन दर्ता, ७ बजे मनोनयन प्रारम्भिक नामावली प्रकाशन, ८ बजे उम्मेदवार अन्तिम नामावली प्रकाशन र भोलि बिहान ११ बजेदेखि मतदान हुने स्थायी कमिटी सदस्य शेरबहादुर तामाङले बताए ।
यसअघि अध्यक्ष एवं एमाले बागमती प्रदेश इन्चार्ज गुरु बरालको संयोजनमा अध्यक्षका प्रत्यासीसहितको बैठकमा सहमति जुटाउने प्रयास गरिएको थियो । तर, सहमतिको प्रयास असफल भएपछि निर्वाचन प्रक्रियाबाटै बागमती प्रदेश नेतृत्व चयन गरिने भएको हो ।
Appharu.com