काठमाडौं । जनता समाजवादी पार्टी (जसपा) र राष्ट्रिय मुक्ति पार्टी, नेपालबीच कार्यगत एकता भएको छ । दुई दलले यो एकतालाई ‘एकताउन्मुख कार्यगत एकता’ भएका छन् ।
बिहीबार काठमाडौंमा आयोजित एक कार्यक्रमबीच जसपा अध्यक्ष अशोक राई र राष्ट्रिय मुक्ति पार्टी, नेपालका अध्यक्ष राजेन्द्र महतोले एकता घोषणा गरेका हुन् । कार्यगत एकताको घोषणामा हस्ताक्षर उनीहरूले गरेका छन् । राई उपेन्द्र यादव नेतृत्वको जसपाबाट अलग भएका थिए । त्यस्तै, महतो लोकतान्त्रिक समाजवादी पार्टी (लोसपा)बाट अलग भएका थिए ।
कार्यगत एकता घोषणापत्रमा संगठनात्मक संरचना, सञ्चालन विधि, उद्देश्य तथा प्रतिबद्धताहरू, आचारसंहिता लगायतका विषय उल्लेख गरिएको छ । जसमा केन्द्रीय तहमा संयोजन समिति रहनेछ ।
उक्त समितिमा पार्टीका अध्यक्षसहित प्रत्येक पार्टीहरूबाट ७/७ जना सदस्य रहने बताइएको छ । समितिमा कम्तिमा २ जना महिला अनिवार्य गरिएको छ ।
प्रादेशिक र स्थानीय तहमा पनि संयोजन समिति रहने जनाइएको छ । प्रदेशमा ५÷५ सदस्यीय र स्थानीय तहमा ३÷३ सदस्य रहने समिति बन्ने संगठनात्मक संरचनामा उल्लेख छ । कार्यगत एकतामा संलग्न दलहरूले बैठकको अध्यक्षता पालैपालो गर्ने पनि घोषणापत्रमा उल्लेख छ ।
