काठमाडौं । म्यानमारमा आकर्षक रोजगारीको प्रलोभनमा अवैध रूपमा काममा लगाइएका ३७ जना नेपालीलाई थाइल्यान्डस्थित नेपाली राजदूतावासले उद्धार गरी नेपाल फर्काएको छ।
अनलाइन ठगी केन्द्रमा छापा मार्ने क्रममा उद्धार गरिएका यी नेपालीलाई आजै नेपाल एयरलाइन्समार्फत नेपाल पठाइएको दूतावासले जनाएको छ।
साथै, म्यानमारको म्यावडीमा २३ जना, थाइल्यान्डको मेसोटमा २ जना र कम्बोडियाका ४ जना नेपालीलाई पनि यथाशीघ्र नेपाल फर्काउने प्रयास जारी रहेको दूतावासको विज्ञप्तिमा उल्लेख छ।
