काठमाडौं । नेकपा एमालेका उपाध्यक्ष सुरेन्द्र पाण्डेले विधान संशोधन गर्नैपर्ने भए नेतृत्वमा ७० वर्षे उमेर हद र २ कार्यकालको सीमा ब्यूँताउन प्रस्ताव गरेका छन् ।
जारी अन्तिम केन्द्रीय कमिटी बैठकमा पोलिटब्युरो सदस्य खिमलाल भट्टराईले १०औँ महाधिवेशनको विधानलाई नै कायम गरेर जानुपर्ने, आवश्यक परे अझ थपेर जान प्रस्ताव गरेपछि ईश्वर पोखरेल समूहले असहमति जनाएको हो ।
वर्तमान कमिटीको यो अन्तिम बैठकमा अहिले केन्द्रीय नेताहरूले आ–आफ्नो धारणा राखिरहेका छन् । एमालेको ११औं महाधिवेशन अन्तर्गत नयाँ नेतृत्व चयनका लागि बन्दसत्र १ बजेबाट सुरु हुँदैछ ।
