काठमाडौं । कपिलवस्तु क्षेत्र नं ३ को मतगणना सम्पन्न भएको छ ।मतगणना सकिएसँगै अन्तिम परिणाम सार्वजनिक गरिएको हो ।
प्राप्त नतिजा अनुसार नेपाली कांग्रेसका उम्मेदवार अभिषेक प्रताप शाह २३ हजार ५३५ मत प्राप्त गर्दै विजयी भएका छन् ।
उनका निकटतम प्रतिद्वन्द्वी राष्ट्रिय स्वतन्त्र पार्टीका उम्मेदवार प्रकाश रजौरिया १८ हजार ८९० मत प्राप्त गरे भने नेकपा एमालेका उम्मेदवार विरेन्द्र कनोडिया १४ हजार ७६३ मतसहित तेस्रो स्थानमा रहेका छन् ।
अभिषेक प्रताप शाहले प्रकाश रजौरियालाई ४ हजार ६४५ मतको अन्तरले पराजित गर्दै विजय हासिल गरेका हुन् ।
