काठमाडौं। श्रम संस्कृति पार्टीले ४ समानुपातिक सांसदको नाम छनोट गरेर टुंगो लगाएको छ ।
आदिवासी महिलाबाट मन्दिरा मोक्तान, खस आर्य महिलाबाट अम्बिका सङ्ग्रौला, दलित कोटाबाट सुर्खेतकी राधिका रम्तेल र आदिवासी जनजातिबाट पूर्ण लिम्बूको नाम छनोटसँगै टुंगो लागेको हो ।
फागुन २१ मा सम्पन्न प्रतिनिधिसभाको निर्वाचनमा श्रम संस्कृतिले ३ लाख ८५ हजार ९०२ मत पाएको थियो । साथै, निर्वाचन आयोगले श्रम संस्कृतिले पाएको समानुपातिक मतअनुसार समानुपातिकतर्फ ४ जना सांसद पाउने जनाएको थियो ।
समानुपातिकमा नाम कस्को पठाउने विषयमा कचिंगल भएपछि पार्टी अध्यक्ष हर्क साम्पाङले– भात खाऊ, मेरो टाउँको नखाऊ भनेका थिए । केही महिनाअघिमात्र निर्वाचन आयोगमा दर्ता भएको श्रम संस्कृति पार्टी ३ प्रतिशत थ्रेस होल्ड कटाएर अहिले पाँचौँ दल बनेको छ ।
