नेतृत्व परिवर्तनको माग राख्दै एमाले युवा नेताहरू फूल बाँड्दै 

काठमाडौं । नेकपा एमालेका युवाहरूले नेतृत्व परिवर्तनको माग गर्दै पार्टी नेताहरूलाई दबाब दिन सुरु गरेका छन् । 

शुक्रवार पार्टी केन्द्रीय कार्यालय च्यासलमा सचिवालय बैठकका लागि पुगेका नेताहरूलाई युवा कार्यकर्ताहरूले फूल दिएर शुभकामना दिएका हुन् । 

उनीहरूले नेतृत्व परिवर्तन हुनुपर्ने भन्दै नेताहरूलाई फूल दिएका हुन् ।यसअघि संसदीय दलको नेतामा रामबहादुर थापा बादललाई चयन गरेपछि पार्टीका युवाहरूले निरन्तर विरोध गरिरहेका छन् ।

उनीहरूले संसदीय दलको नेतामा सुहाङ नेम्वाङलाई चयन नगरेको भन्दै सोही दिन विरोध प्रदर्शन गरेका थिए ।