काठमाडौं । श्रम संस्कृति पार्टीका अध्यक्ष एवं सांसद हर्क साम्पाङले प्रधानमन्त्री बालेन शाहको राजीनामा दिनुपर्ने बताएका छन् ।
उनले शाहले नैतिकताको आधारमा तुरुन्तै राजीनामा दिएर मार्ग प्रशस्त बनाइदिनु राम्रो भएको बताएका छन् । उनले गरिबलाई सडकमा पुर्याउने सरकारको औचित्य सकिएको पनि बताए ।
उनले सामाजिक सञ्जालमा लेखेका छन्, ‘बालेनले तुरुन्तै राजीनामा दिएर मार्ग प्रशस्त बनाइदिनु राम्रो। गरिबलाई सडकमा पुर्याउने सरकारको औचित्य सकियो ।’
यस्तै, राज्य आतङ्क मच्चाएर जनतालाई बेघर, बासविहीन बनाएर बिजोग बनाएका कारण नैतिकताको आधारमा राजीनामा दिनु पर्ने बताउँदै उनले भने, ‘राज्य आतङ्क मच्चाएर जनतालाई बेघर, बासविहीन बनाएर बिजोग बनाएको कारण नैतिकताको आधारमा राजीनामा दिनुपर्छ । मैले सुझाएको कुरा मानेको भए बालेनको यो गति हुने थिएन ।’
