काठमाडौं। नेपालले मलेसियामा जारी एसीसी महिला प्रिमियर कप प्रतियोगिताको क्वाटरफाइनलमा आज थाइल्याण्डको सामना गर्दैछ । यो खेल नेपाली समय अनुसार बिहान सवा ७ बजेदेखि सुरु हुँदै छ ।
त्यस्तै आज अर्को क्वाटरफाइनल खेलमा हङकङले जापानको सामना गर्दै छ र यो खेल पनि बिहान सवा ७ बजेदेखि सुरु हुँदै छ । त्यस्तै युएईले मलेसिया र इन्डोनेसियाले ओमानसँग क्वाटरफाइनलमा खेल्ने तय भएको छ । यी दुवै खेल बिहान ११: ४५ बजेदेखि सुरु हुने छन् । १८ देशले भाग लिएको यस प्रतियोगिताबाट शीर्ष चार देश महिला एशिया कप क्रिकेटमा छनोट हुनेछन् ।
