काठमाडौं । सरकारले धितोपत्र बोर्डको अध्यक्षमा डा गोपालप्रसाद भट्टलाई नियुक्त गर्ने निर्णय गरेको छ । शुक्रबार बसेको मन्त्रिपरिषद् बैठकले कैलालीका भट्टलाई बोर्डको अध्यक्षमा नियुक्त गर्ने निर्णय गरेको सञ्चारमन्त्री विक्रम तिमिल्सिनाले जानकारी दिए ।
यसअघिका बोर्डका अध्यक्ष सन्तोषनारायण श्रेष्ठले बालेन्द्र शाहको नेतृत्वमा सरकार बनेपछि राजीनामा दिएका थिए ।
यस्तै मन्त्रिपरिषद् बैठकले सङ्घीय संसदमा चार वटा प्रतिस्थापन विधेयक पेश गर्ने निर्णय गरेको छ । बैठकले सहकारी, सार्वजनिक खरिद, सम्पत्ति शुद्धीकरण निवारण र स्वास्थ्य विज्ञान प्रतिष्ठानसम्बन्धी कानून संशोधनका लागि प्रतिस्थापन विधेयक संसदमा पेश गर्न स्वीकृति दिएको हो ।
