काठमाडौं । अमेरिकी राष्ट्रपति डोनाल्ड ट्रम्पले अमेरिका र इरानबीच भइरहेको वार्तामा अवरोध गरे ओमानमाथि बमबारी गर्न सक्ने धम्की दिएका छन् ।
ट्रम्पले ओमानले वार्तामा के अवरोध गरेको हो भन्नेबारे उनले स्पष्ट पारेका छैनन् । अमेरिका-इरान वार्तामा ओमानले मध्यस्थको भूमिका निर्वाह गर्दै आएको छ । युद्धका क्रममा ओमानमा समेत कैयौँ आक्रमण भए पनि उसले युद्ध रोक्न भूमिका खेल्दै आएको छ ।
ट्रम्पले इरानको इस्लामिक रिभोलुसनरी गार्डसँग अमेरिकाको गोप्य वार्ता भइरहेको दाबीसमेत गरेका थिए । तर, इरानको रिभोलुसनरी गार्डले उक्त दाबी अस्वीकार गर्दै अमेरिकासँग कुनै वार्ता नभएको जनाएको छ ।
हाल अमेरिका९इरान वार्ताको मुख्य विषय होर्मुज जलडमरूमध्य खुलाउने विषय बनेको छ । विश्वको करिब २० प्रतिशत कच्चा तेल र तरलीकृत प्राकृतिक ग्यास यही मार्गबाट ओसारपसार हुने भएकाले यसको महत्त्व निकै ठूलो छ ।
इरानले जलडमरूमध्य खुलाउन अमेरिकाबाट क्षतिपूर्ति माग गरिरहेको छ । यसैबीच ट्रम्पले इरानलाई आणविक हतियार बनाउन नदिने अमेरिकी नीति यथावत् रहेको दोहोर्याएका छन् ।
