काठमाडौं । राष्ट्रिय स्वतन्त्र पार्टी (रास्वपा) सभापति रवि लामिछानेले पार्टीका सांसद र मन्त्रीहरूसँग छलफल गर्दैछन् । उनले आज बिहान ११ बजे संसदीय दलको कार्यालय सिंहदरबार मन्त्री र सांसदहरुसँग छलफल गर्न लागेका हुन् ।
सरकारको काम र संसदीय भूमिका प्रभावकारी बनाउने विषयमा छलफल तथा आवश्यक निर्देशन हुने मुख्य सचेतक कवीन्द्र बुर्लाकोटीले जानकारी दिए । उनका अनुसार मन्त्री र सांसदहरूलाई बैठकमा अनिवार्य उपस्थित हुन सूचना जारी भएको छ ।
