काठमाडौं । पूर्वप्रधानन्यायाधीश चोलेन्द्रशम्शेर जबरा पक्राउ परेका छन् । काठमाडौं उपत्यका अपराध अनुसन्धान कार्यालय टेकुको टोलीले उनलाई गएराती काठमाडौंको महाराजगञ्जस्थित आफ्नै निवासबाट नियन्त्रणमा लिएको हो ।
प्रहरी स्रोतका अनुसार कार्यालयमा दर्ता भएको एक उजुरीका आधारमा जबरालाई पक्राउ गरिएको हो । तर, उनीविरुद्ध परेको उजुरीको विषय र लगाइएको कसुरबारे प्रहरीले विस्तृत विवरण सार्वजनिक गरेको छैन । जबरालाई पक्राउ गरी आवश्यक अनुसन्धानका लागि कार्यालयमा लगिएको जनाइएको छ ।
उनीविरुद्धको उजुरी र अनुसन्धानको विषयमा प्रहरीले थप विवरण सार्वजनिक गर्ने तयारी गरेको बताइएको छ ।
