काठमाडौँ । नेपालमा आज कोरोनाभाइरसको संक्रमणबाट ८ जनाको मृत्यु भएको छ भने थप ६ सय ७२ जनामा कोरोना संक्रमण पुष्टि भएको छ ।
देशभर गरिएको ७ हजार १ सय ६७ पिसिआर परिक्षणका क्रममा ५ सय ८२ जना र २ हजार ३ सय २८ एन्टीजेन परिक्षणका क्रममा ९० जनामा कोरोना संक्रमण पुष्टि भएको स्वास्थ्य मन्त्रालयले जनाएको छ । यो संगै नेपालमा कोरोना संक्रमितको संख्या ९ लाख ५ हजार १ सय ८५ पुगेको छ ।
त्यस्तै कोरोनाका कारण थप ८ जनाको मृत्यु भएको छ । हालसम्म नेपालमा ११ हजार ३ सय ८० जनाले कोरोनाका कारण ज्यान गुमाएका छन् । त्यस्तै थप ४ सय ९० संक्रमित कोरोनामुक्तहुदा हालसम्म नेपालमा ७ लाख ८९ हजार १ सय २० जना निको भएका छन् । हाल नेपालमा १० हजार ३ सय ७५ सक्रिय संक्रमित रहेको मन्त्रालयले जनाएको छ ।
