काठमाडौं । राष्ट्रिय जनमोर्चाको प्रदेश अधिवेशन सरेको छ । आगामी माघ १५ र १६ गतेलाई तय गरेको सातै प्रदेशको जनमोर्चाको प्रदेश सम्मेलन २२ दिनपछि सारिएको हो ।
कोरोना भाइरसको नयाँ भेरियन्टको बढ्दो संक्रमण र कतिपय आवश्यक तयारी अभावमा सम्मेलन सार्नुपरेको सो पार्टीले जनाएको छ ।
जनमोर्चाका अध्यक्ष चित्रबहादुर केसीले बिहीबार विज्ञप्ति जारी गर्दै माघ १५ र १६ गतेलाई तय भएका प्रदेश सम्मेलन आगामी फागुन ६ र ७ गते गर्नेगरी सारिएको जानकारी गराएका छन् ।
