काठमाडौं । नेपाल आदिवासी जनजाती पत्रकार महासंघ (फोनिज)का निवर्तमान सल्लाहकार गणेश चौधरी गाउँपालिका प्रमुखमा निर्वाचित भएका छन् । गणेश कैलालीको जानकी गाउँपालिका प्रमुखमा निर्वाचित भएका हुन् ।
नागरिक उन्मुक्ति पार्टीबाट उम्मेदवारी गणेश ७१५१ मतसहित विजयी भएका हुन् । दुईदशकदेखि पत्रकारिता गर्दै आएको उनी पत्रकारिता छोडेर स्थानीय तह निर्वाचनमा होमिएका थिए ।
उनका निकटतम प्रतिस्पर्धी कांग्रेसका परशुराम महतौ (कठरिया) ५२४२ मतसहित पराजित भए ।
त्यस्तै उपाध्यक्षमा पनि नागरिक उन्मुक्ति पार्टीकै लालमतीदेवी कठरिया ६५६२ मतसहित निर्वाचित भएकी छन् । नेकपा एमालेका गीता चौधरी ४८५८ मतसहित पराजित भईन् ।
