काठमाडौं । महोत्तरीको सदरकमुकाम जलेश्वर नगरपालिकामा जसपा विजयी भएको छ । जसपाका सुरेश साह सोनार मेयरमा विजयी भएका हुन् ।
उनले आफ्ना निकटतम प्रतिद्वन्द्वी लोसपाका तर्फबाट निवर्तमान मेयर रामाशंकर मिश्रालाई १८७६ मत अन्तरले हराउँदै विजयी भएका हुन् ।
साहले ७३०६ मत ल्याएर जित हासिल गरे भने निकटतम प्रतिद्वन्द्वी मिश्रा ५४३० मत प्राप्त गरे ।
यस्तै उपमेयरमा जसपाकै रौशन खातुन विजयी भएकी छन् । उनले ५८२३ मत ल्याएर विजयी हुँदा उनका निकटतम प्रतिद्वन्द्वी नेकपा एमालेकी मञ्चुदेवी ४९०१ मत प्राप्त गरिन् ।
जलेश्वर नगरपालिका लोसपाका अध्यक्ष महन्थ ठाकुर निर्वाचित महोत्तरीको प्रतिनिधिसभा ३ नम्बर क्षेत्र हो ।
