काठमाडौं । गायक केतन क्षेत्रीको स्वरमा ‘पन्छी’ बोल गीतको भिडियो सार्वजनिक भएको छ । उक्त गीतमा शब्द अमेरिका बस्दै आएका रमेश लुइँटेलको रहेको छ भने संगीत हेमन्त शिशिरको रहेको छ ।
कलाकारिता क्षेत्रको यथार्थ नबुझी देखासिकिमा लागेर कलाकार बन्ने चाहनामा अघि बढ्न खोजिरहेकी एक महिलाको प्रयासलाई भिडियोमा देखाउन खोजिएको छ ।
भिडियोमा रंगिन दुनियाको यथार्थलाई जिवन्त रुपमा प्रस्तुत गरिएको छ। भिडियोमा दिक्पाल कार्की, दिपेश परियार, जुना कार्की, मनोज कार्की र सजिना राईको अभिनय रहेको छ ।
सुजन श्रेष्ठले छायाँकन गरेको यस भिडियोलाई शिलन लम्सालले सम्पादन गरेका हुन् । मुनालशिशिर कोइरालाको परिकल्पना र निर्देशनमा भिडियो तयार पारिएको हो ।
