काठमाडौं । नेत्रविक्रम चन्द विप्लव नेतृत्वको नेकपाका नेता खड्गबहादुर विश्वकर्मा ‘प्रकाण्ड’ले प्रधानमन्त्री शेरबहादुर देउवासँग भेट गरेका छन् ।
मङ्गलवार बालुवाटार पुगेर प्रकाण्डले प्रधानमन्त्री देउवासँग भेटवार्ता गरेका हुन् । नेता प्रकाण्डले सरकारसँग भएको ३ बुँदे सहमति कार्यान्वयनमा जोड गर्न माग गरेका छन् ।
साे क्रममा प्रधानमन्त्री देउवाले आफू माग सम्बोधन गर्न सकारात्मक रहेकाले छिट्टै पुरा गर्ने आश्वासन दिएका छन् । आफूहरुसँग गरेको सहमति सरकारले नै पालना नगरेको भन्दै नेकपा असन्तुष्ट छ ।
सहमति कार्यान्वयनका लागि केही नेता कार्यकर्ता रिहा भए पनि अझै दर्जनौँ थुनामा छन् ।
