स्याङ्जा । गायक खुमन अधिकारीलाई पितृशोक परेको छ ।
गायक अधिकारीका बुवा मुक्तिराम अधिकारीको मंगलबार राती निधन भएको पारिवारिक स्रोतले जनाएको छ । ८१ वर्षीय अधिकारी लामो समयदेखि बिरामी थिए ।
केही समयअघि काठमाडौंमै उपचार गराईरहेका अधिकारीको स्वास्थ्यमा सुधार आएपछि स्याङ्जाको गुरुङ्दीस्थित घरमा लगिएको थियो । तर, मंगलबार बिहानदेखि एक्कासी स्वास्थ्य अवस्था बिग्रिएका अधिकारीको राती निधन भएको गायक अधिकारीले जनाएका छन् ।
स्वर्गीय मुक्तिराम अधिकारीका दुई छोरा र दुई छोरी छन् । गायक अधिकारी कान्छा छोरा हुन् ।
