काठमाडौं, १९ भदौ ।
भ्रष्टाचार मुद्दामा सर्वोच्च अदालतबाट दोषी ठहर भइ फरार रहेका पूर्वसभासद डिबी कार्कीलाई सिआइबीको टोलीले पक्राउ गरेको छ । प्रहरीको केन्द्रीय अनुसन्धान ब्यूरोले बुधबार उनलाई पक्राउ गरेको हो ।
कार्कीलाई सर्वोच्चले ६ महिना कैद र एक लाख विगोको फैसला गरेको थियो । उनी पहिलो संविधानसभामा तत्कालिन एमालेबाट सभासद भएका थिए । प्रहरी निरिक्षक भर्ना गरिदिने भन्दै उनले घुस लिएका थिए । उनलाई घुस दिने व्यक्ति हाल इन्सपेक्टर नै छन् । वामदेव गौतम गृहमन्त्री भएका बेला उनले त्यसरी पैसा असुलेका थिए ।
